BSHZ

Aeroplanët amerikanë hodhën bomba në bregdetin australian

Shkruar nga adem. Postuar në Bota

aeroplantpamunic

Publikuar në July 21, 2013 me 0 Komente

Marina e Shteteve të Bashkuara thotë se dy aeroplanë të saj luftarakë i kanë hedhur katër bomba pa municion në bregdetin e Australisë, gjatë një ushtrimi, i cili mori drejtim të gabuar.

Aeroplanët i kanë hedhur bombat në Great Barrier Reef, që është Trashëgimi botërore, gjatë një ushtrimi ushtarak, ditën e martë.

Asnjë nga bombat nuk kanë eksploduar.

Marina amerikane, në deklaratën e sotme, ka njoftuar se aeroplanët luftarakë të tipit AV-8B Harrier, kishin për qëllim hedhjen e tyre në rrezeveprimin e bombave në një ujdhesë të afërt, por misioni dështoi.

Aeroplanët nuk kishin karburant të mjaftueshëm, dhe nuk kanë mund të aterojnë me ngarkesë, thuhet në deklaratën e Marinës së Shteteve të Bashkuara.

Sipas rrjetit televiziv amerikan NBC, secila bombë peshonte 226 kilogramë.

Great Barrier Reef është struktura më e madhe e koraleve në botë, e pasur me jetë ujore, që shtrihet në më tepër se 2600 kilometra, përgjatë bregdetit lindor të Australisë.

Shpërndaje artikullin

No Comments

Comments for Aeroplanët amerikanë hodhën bomba në bregdetin australian are now closed.